فين بقي البرد يا كندا؟ فين التلج؟ بعد ما استعديت وركّبت الwinter tires واستثمرت ثروة صغيرة كدة في هدوم الشتا بانواعها من اول راسي لحد صوابع رجليّ. وبعتّ جبت السحلب من مصر واشتريت كميات مهولة من العدس بالوانه، وقاعدة متكلفتة ومستنية الشتا والشتا ماجاش لحد دلوقتي.
فين بقي البرد يا كندا؟ فين التلج؟ بعد ما استعديت وركّبت الwinter tires واستثمرت ثروة صغيرة كدة في هدوم الشتا بانواعها من اول راسي لحد صوابع رجليّ. وبعتّ جبت السحلب من مصر واشتريت كميات مهولة من العدس بالوانه، وقاعدة متكلفتة ومستنية الشتا والشتا ماجاش لحد دلوقتي.
واخواتنا الكنديين اتنكدوا يوم الكريسماس وقالوا لي فين الwhite Christmas ؟ مابقيتش عارفة اقول لهم ايه؟ جيت من مصر وجبت الاحتباس الحراري معايا؟؟
المهم اني سعيدة جدا طبعا بدرجات الحرارة المعتدلة حتي كتابة هذا المقال- في تاني اسبوع من يناير ٢٠٢٤- ومبسوطة قوي اني ولا باشيل تلج ولا بامشي اتزحلق ولا الحاجات اللطيفة اللي حكيتوا لي عنها دي. ربنا يديم علينا الجو الشتوي الجميل اللذيذ ويبعد عننا التلج والزحلقة
اتمني بس الجو دة مايكونش ليه اثار جانبية، يعني مانلاقيش تغير المناخ دة جه معاه انتشار لحشرات وكائنات كانت بتموت في الشتا، او تلف لمحاصيل زراعية كانت بتنمو في البرد. الانسان شغّال تخريب في الكوكب بمنتهي الهمّة بصراحة
وربنا يجعل كلامنا خفيف علي بتوع ضريبة المناخ اللي ما هايصدقوا ويعملوا لنا ضريبة ثقب الاوزون. وهانلاقي نفسنا بندفع تمن اليومين الحلوين اللي عايشينهم دول.
1