و هبدأ بالأخبار الحلوة و هخلي الوحشة لبعدين.. كان أول خبر حلو ان الست صاحبة البيت دعتني اني اروح اشوف البيزمنت لأول مرة، و كانت ماما معايا فكانت فرصة كويسة جدا اني اخد رأي ماما فيه مع انه حتى لو ما عجبش ماما كنت هاخده اكيد.. هو انا لاقيه حاجة..
و رحت انا و ماما و البيبي.كان الأستوديو قريب جدا من مول (ستوك يارد)، بس الشارع نفسه كان مقطوع و كان كله بيوت قديمة… أما البيت فكان 3 ادوار.. دورين حلوين و كبار، و كل دور بيجددوده علشان يأجروهم ب 1800 دولار للدور الواحد، أما البيزمنت فكان ب الف دولار..
و هبدأ بالأخبار الحلوة و هخلي الوحشة لبعدين.. كان أول خبر حلو ان الست صاحبة البيت دعتني اني اروح اشوف البيزمنت لأول مرة، و كانت ماما معايا فكانت فرصة كويسة جدا اني اخد رأي ماما فيه مع انه حتى لو ما عجبش ماما كنت هاخده اكيد.. هو انا لاقيه حاجة..
و رحت انا و ماما و البيبي.كان الأستوديو قريب جدا من مول (ستوك يارد)، بس الشارع نفسه كان مقطوع و كان كله بيوت قديمة… أما البيت فكان 3 ادوار.. دورين حلوين و كبار، و كل دور بيجددوده علشان يأجروهم ب 1800 دولار للدور الواحد، أما البيزمنت فكان ب الف دولار..
كان البيزمنت عبارة عن Bachelor يعني استوديو .. فكرني ببيت السنافر اللي كنت قعدت فيه أيام دبي في أول حياتي.. كان صغير جدا و كل حاجة في اوضة واحدة، وحمام صغير جدا، بس الميزة الوحيدة ان كان فيه اوضة الغسيل ..كانوا قافلينها شوية عن المكان المفتوح اللي فيه المطبخ، و اوضة النوم، و المعيشة و كل حاجة مع بعض او لو صح التعبير فوق بعض..
وحاولت اتخيل العفش الكتير اللي عندي اللي احسن تقدير للمكان ده انه يشيل ربعه مثلا، و طبعا الباقي لازم اتخلص منه..
كانت شبابيكه صغيرة جدا و مفهوش إضاءة كافية، و بصيت لماما بعد ما نزلت سلالم علشان تدخل البيزمنت معايا و قالت لي:
“ده تحت الأرض!!” كنت حساها عايزة تقول لي:” ده تربة يا بنتي” بس لاني كنت فهمتها العذاب اللي انا فيه في البحث عن بيت، فمرضتش تزود علي وقالت لي:”هتعملي ايه.. اهو حل مؤقت بدل على رأيك ما تروحي الملجأ.. لحد ما يجيلك بيت الحكومة”
قلت لها:” بالظبط كده”
بس نظرات عيون ماما كانت حزينة جدا، و كنت حاسة قد ايه انا صعبانة عليها و انا رايحة اسكن في مكان أشبه بالتربة، و في نفس الوقت كانت شايفاني فرحانة جدا و طايرة، و ده لاني بس كنت بدور على الراحة و الاستقرار النفسي اللي بيت الاشباح حرمني منهم فترة تقارب على ال 6 شهور..
كانت الشابة هي بنت صاحب البيت وكان ابوها و امها معاها اليوم ده.. كان من اسمها باين ان اصولها ايطالية، لكن ما كنتش بتعرف تتكلم ايطالي خالص، ولا حتى امها.. لكن الأب كان ايطالي جدا، و كان أظرف واحد فيهم،حتى كان فيه شبه كبير من الاب الايطالي اللي كنت بتعامل معاه ايام مشروع الاحذية بتاعتي لما كنت في دبي..
و قال لي الآب:” انا هركبلك باب، و هخلص تركيبات اوضة الغسيل، و هبيض الاستوديو.. بس زي ما انتِ شايفة قدامنا حاجات كتير جدا.. يعني أحسن تقدير انه هيخلص على 1 أبريل”
قلت له:” هو لازم يخلص على 1 أبريل.. انا خلاص اخطرت صاحب البيت اللي انا فيه بكده”
طبعا انا ما قولتش الحقيقية، و ما قولتش انا ناقلة منين، وكان آخر بيت حطيت بياناته هو بيتي القديم قبل بيت الأشباح..
و مشينا من عندهم،و تاني يوم راحت موظفة قسم الإسكان في البلدية و دفعت شيك بقيمة الفين دولار عبارة عن اول واخر شهر من الايجار، و مضت معاهم اوراق تانية..
ماما وقتها كانت حاسة ان الموضوع ده خلص خلاص، بس انا من جوايا كنت حاسة انه مش هيكمل.. و غالبا احساسي ما بيخيبش ابدا..
أما الخبر التاني الحلو كان اني اتخرجت من برنامج Access و عملوا لنا حفلة، و كنت شاطرة جدا و طلعت عملت presentation كاملة عن موضوع الملح الصخري، و نهيتها بأني فرجتهم العينات و بينت كمان اني كمان شهر عندي مقابلات مع كم بلدية صغيرة، و هشارك في معرض خاص بأعمال الطرق و البلديات… كانت الحفلة مفهاش مسابقة، لكن لو كان فيها كنت كسبت أكيد..
و تنتهي الفترة دي بخبر وحش شوية.. و هو ان صاحبة الحضانة تتصل بي يوم تخرجي من البرنامج و اروح جري علشان اشوف ابني ماله، و قالت لي:” سخن جدا و جسمه أحمر”
حاولت اجري به على الفاميلي دكتور بس العيادة كانت قفلت فأضطريت اطلع على walk in
كان دكتور مش فاهم حاجة في حاجة، و شخصه انه برد لكن مكانش برد..
و طبعا جه الويك اند و الفاميلي دكتور قافل .. لكن لقيت الولد تاني يوم جسمه كله بقع حمراء، و متبهدل خالص، و طبعا ماما قالت لي:” حصبة”
و حاولت اجيب له علاج، لكن ما ينفعش من غير روشتة، و بالتالي لازم دكتور، و اجيب منين دكتور في الويك اند؟!..
و هنا اتصلت بصاحبة الحضانة أسألها و قالت لي:” في خدمة الدكتور المنزلي.. اتصلي بهم و هيبعتوا لك دكتور لحد البيت و مجاني.. و بيكتب روشتة”
و فعلا اتصلت وجه الدكتور المنزلي.. بس جه بعد حوالي 6 ساعات، و كتب روشتة، وشخص صح..
و خدت الروشتة، و جريت جبتها، و بدأت انا و ماما نعمل اللازم..
طبعا البيبي كان لازم يقعد في البيت اسبوعين، لكن من أول الأسبوع ده و هو الأسبوع الثالث في مارس كان لازم أبدأ برنامج البيزنس اللي كان تبع البلدية و اللي كان شرطه اني اكون على ال OW و اللي مستنياه بفارغ الصبر علشان اغير برنامج ال OW، و كمان علشان اخد أهم قرار في حياتي و هو اني اسجل البيزنس بتاعي..
و حكيت لماما و قالت لي:” ماشي مفيش مشكلة.. روحي وانا هخلي بالي من الولد..”
طبعا انا كنت حاسة ان وجود ماما معايا في الفترة دي نعمة كبيرة لأن أبسط شيء لو مكانتش موجودة كنت اعتذرت عن البرنامج ده بالتأكيد، و حاجات كتير من خططي كانت اتأجلت..
و بدأنا نحضر نفسنا اني اروح البرنامج الجديد، و ماما تقعد بالبيبي..
و رحت أول يوم البرنامج الجديد اللي تبع بلدية تورنتو .. يا ترى مين اللي كانوا معايا؟ و مين اللي كانوا بيدرسوا لي؟ و كان مقره فين؟
المزيد
1