كنت بحاول في الفترة دي ما احكيش اللي بفكر فيه لروميو لأني مكنتش متأكدة من رد فعله.. هل هيدعمني في قرار إجازة الأمومة المبكرة، و لا لأ؟
كنت حاسة إننا بنبعد جدا عن بعض و علاقتنا مش بتتحسن.. و هنا طلبت منه إننا نرجع نشوف متخصصة العلاقات، و فعلا وافقني و كان متحمس جدا المرة دي..
و رحنا عندها و حاولت تركز معاه جدا على انه يغير أسلوبه معايا و يبطل الصوت العالي، و لو شافني بعيط يسيبني و مش لازم يضغط علي أبدا علشان اقعد واتكلم معاه.. كمان فهمته إن اللي عندي مش اكتئاب حمل، لكنه نقص دعم نفسي كبير من اهم حد ممكن يكون في حياتي و هو: شريك حياتي..
كنت بحاول في الفترة دي ما احكيش اللي بفكر فيه لروميو لأني مكنتش متأكدة من رد فعله.. هل هيدعمني في قرار إجازة الأمومة المبكرة، و لا لأ؟
كنت حاسة إننا بنبعد جدا عن بعض و علاقتنا مش بتتحسن.. و هنا طلبت منه إننا نرجع نشوف متخصصة العلاقات، و فعلا وافقني و كان متحمس جدا المرة دي..
و رحنا عندها و حاولت تركز معاه جدا على انه يغير أسلوبه معايا و يبطل الصوت العالي، و لو شافني بعيط يسيبني و مش لازم يضغط علي أبدا علشان اقعد واتكلم معاه.. كمان فهمته إن اللي عندي مش اكتئاب حمل، لكنه نقص دعم نفسي كبير من اهم حد ممكن يكون في حياتي و هو: شريك حياتي..
حاول يسمعها و يبين انه متعاطف معايا المرة دي و قالها:” أنا متوتر نفسيا لأني خايف من مسؤولية الطفل و مش عايز افشل زي ما أبويا فشل معايا، و في الأخر اللي رباني جوز أمي و أمي طبعا”
قالت له:” و ليه متوقع الفشل؟ أبعد الفكرة عن دماغك و اشتغل على نفسك ملكش دعوى بحد.. أبوك شخص و أنت شخص تاني يعني انتم الاثنين مش شخصية واحدة”
و هنا هقاطع الدكتورة و لو رجع بي الوقت كنت هقولها:” هو كان صح.. هم الاثنين فعلا شخصية واحدة لأنه طلع زي أبوه بالضبط !”
و بعد ميعاد الدكتورة مسكني من ايدي و قالي:” أنا بحبك أكتر من أي حاجة في الدنيا، و انفعالي عليكي بيبقى من خوفي انك تمشي و تسيبيني .. أنا ما اقدرش أتخيل حياتي من غيرك.. انت كل حاجة بالنسبة لي”
كنت بصدقه جدا لما بيقول كده خصوصا من تعبيرات وشه و صدق عينيه و كانت أكتر حاجة بتخليني أنسى كل القسوة اللي بشوفها منه، و لو أن الحب عند كان مجرد أقوال وليس أفعال..
و جري جابلي وردة حمراء رجعتني لأيام رومانسيته اللي فات عليها وقت و قالي:” روزة(وردة بالإيطالي) لأحلى روزة”
ابتسمت و قلت له:” ماشي يا روميو.. و روزه تكفيها روزة و قلب طيب”
و بصلي و قالي:” ما تيجي نروح مكان جديد نجدد به علاقتنا اللي بدأ الملل يتسلل لها”
قولت له:” حاضر.. غالي والطلب رخيص”
و كعادة روزة متعهدة الحفلات و الخروجات بحثت سريعا على أي عرض مسرحي يكون في اليوم ده، و فعلا لقيت مسرحية غنائية في مسرح (راندولف) في شارع (باثورست)، و هو المسرح الجميل المخصص للعروض المسرحية و كبير نسبيا فيه حوالي 500 مقعد و شكله من الخارج كنيسة ده لأنه أتحول من كنيسة سابقة لأكاديمية فنون..
كان العرض مش غالي و كانت المسرحية عبارة عن فيلم رعب قديم من أيام الثمانينات كان مشهور جدا و مكسر الدنيا و من أكثر أفلام الرعب اللي الواحد ممكن يكون شافها في حياته، و كان بالفعل أتصور في كندا و كان الفيلم اسمه(موت الشيطان).
كان العرض واخد نفس الاسم و لما قولت لروميو عليه قالي:” يا سلام عليكي يا روزة انت عارفة تمام الحاجة اللي بتعجبني” .و ده لأنه كان بيحب أفلام الرعب والأفلام الكوميدي، و دي كانت اكتر حاجة بنتفرج عليها مع بعض”
و لبسنا ملابس الشتاء الثقيلة لان الجو كان بارد جدا و رحنا على المسرح، و حضرنا العرض اللي كان مدته ساعتين، و انبسطنا على الأخر.. و بعد العرض قولت له:” أنا هعزمك كمان على عشاء، بس أنا اللي هختار المطعم المرة دي و ما تقوليش إيطالي”
أتنهد تنهيدة طويلة و بصلي و قالي:” أومال هناكل إيه؟”
قولتله:” ياباني.. أنا بحب الأكل الياباني جدا، و نفسي أخليك تجربه معايا”
رد بصوت واطي جدا و قالي:” ماشي اللي تشوفيه”
طبعا هو متعصب جدا جدا لأكله الإيطالي و خصوصا اكل الست والدته اللي كان دايما يحيكيله عنه، و تقريبا ما فيش يوم كان بيعدي إلا لما يحكيلي عن بيتزا ومكرونة الست الوالدة..
و خدته على اكتر مطعم ياباني بحبه و كان في منطقتنا، و طلبت اكتر حاجة بحبها و لما سألته قالي:” أنا ما أفهمش في الأكل ده، اطلبي أي حاجة و أنا هحاول أكلها”
كنت حساه مغصوب جدا بس طلبت له اكل حلو جدا، و كنت متأكدة انه هيعجبه..
و فعلا نزل الأكل، و كانت طريقة ترتيبه جميلة، ومنسقة، وتفتح النفس… والمطعم شيك و نضيف لدرجة كبيرة، و مش ممكن كل ده ما يفتحش نفسه..
و بمنتهى الرقة كلمته و قلت له:” يلا جرب الأكل ده و أوعدك لو ما عجبكش أنا اللي هروح أعملك مكرونة في البيت”
قالي:” حاضر يا روزة”
و بدأ ياكل و لقيت وشه المشدود بدل يتفرد شوية و بصلي و قالي:”إيه ده الأكل ده طعمه حلو!”
قلت له:” شفت بقى.. مش لازم يعني الأكل الحلو يكون إيطالي بس”
قالي:” ممكن برضه و لكن يظل الإيطالي أفضل أكل على مستوى العالم”
قلت له :” معاك حق و أنا سعيدة انك بتجرب اكل جديد”
طبعا دي كانت نقطة من نقاط الاختلاف الكتير اللي ما بينا.. هو تقليدي جدا و متمسك بكل ما هو إيطالي و متعصب جدا، و أنا عكسه تماما و عندي انفتاح كبير على العالم و جربت تقريبا أكلات من العالم كله، و عمري ما تشبثت بمطبخ معين زي ما هو بيعمل..
و إجمالا كانت الاجازة دي جميلة و منعشة و أدتني طاقة إني أدور على معلومات خاصة بأجازة الأمومة و عرفت معلومات كتير من أهمها:
1- أنا اللي بقدم على اجازة الأمومة بنفسي مش الشركة عن طريق مكان اسمه (سيرفس كندا)
2- عندي اختيارين: أما إني أقدم على اجازة سنة و هنا هاخد 80% من صافي مرتبي أو إني أخد سنة و نص أجازة وهنا هاخد 55% من مرتبي.
3- الفلوس ما بتجيش من حساب الشركة و لا الشركة متكفلة بأي حاجة لكنها كلها من التأمينات الاجتماعية
4- لازم اكون جمعت 600 ساعة عمل في آخر 52 أسبوع قبل ما اقدم على أجازة الأمومة علشان اكون مستوفية الشروط
5- لازم اكون حصلت على ورقة اسمها ROE
و دي ورقة بتثبت فترة العمل لدى الشركة و كمان سبب التوقف عن العمل و اللي لازم يكون بسبب زي مثلا انه يتكتب فيه أجازة أمومة أو يتكتب فيه انتهاء العقد لو كنت شغالة بنظام العقد، لكن دي مكانتش حالتي لأني كنت تعيين.
طبعا المعلومات دي كانت مهمة جدا و جبتها كلها من موقع (سيرفس كندا) و كان لازم اكون متسلحة بها قبل ما اقدم على الطلب، لان موظفة الموارد البشرية ممكن تتعامل بطريقة مختلفة أو ممكن ما تدنيش الصورة كاملة، و بالتالي كان لازم اكون مستعدة بمعلومات دون الاعتماد على أي شخص..
و هنا وصلت لقرار و هو إني بكرة هروح الشغل و هكلم المشرف على إمكانية إني أخد اجازتي من أول فبراير 2018 باعتبار إنها تقريبا قبل تاريخ الوضع ب شهر و 21 يوم.. يا ترى هيكون رد فعله ايه؟
المزيد
1