و تخيلت ان صاحب الصورة طلع منها و جه قعد جنبي.. او بمعنى اخر تخيلت ابويا هو اللي كان بيكلمني و قال لي:
“بتعيطي ليه؟ كل ده علشان البيت؟”
قلت له:” اه خايفه.. انا مش عارفة هروح فين! ده انا تقريبا اترميت في الشارع”
قال لي:”اصبري للنهاية و ماتستعجليش ده اختبار كبير و انتِ نجحتي فيه.. و النتيجة خلاص النهاردة”
استغربت جدا من الكلام ده، بس قبل ما يمشي حضني.. و صحيت من الحلم ده لقيت نفسي ببص على صاحب صورة المقبرة، و بصيت لقيت جنبه وروود مكنتش قادرة اشوفها قبل كده .. كانت الورود دي بالنسبة لي اشارة ان مهما كانت الدنيا مقفلة و سوداء في وشنا لازم فيكون فيها جزء حلو و مشرق..
و طلعت من المقابر وانا كلي امل.. عكس ماكنتش داخلها.. و كان لسه معايا كيس السكر..
و اول ما طلعت منها جالي تليفون اقل شيء هوصفه انه تليفون معجزة..
و تخيلت ان صاحب الصورة طلع منها و جه قعد جنبي.. او بمعنى اخر تخيلت ابويا هو اللي كان بيكلمني و قال لي:
“بتعيطي ليه؟ كل ده علشان البيت؟”
قلت له:” اه خايفه.. انا مش عارفة هروح فين! ده انا تقريبا اترميت في الشارع”
قال لي:”اصبري للنهاية و ماتستعجليش ده اختبار كبير و انتِ نجحتي فيه.. و النتيجة خلاص النهاردة”
استغربت جدا من الكلام ده، بس قبل ما يمشي حضني.. و صحيت من الحلم ده لقيت نفسي ببص على صاحب صورة المقبرة، و بصيت لقيت جنبه وروود مكنتش قادرة اشوفها قبل كده .. كانت الورود دي بالنسبة لي اشارة ان مهما كانت الدنيا مقفلة و سوداء في وشنا لازم فيكون فيها جزء حلو و مشرق..
و طلعت من المقابر وانا كلي امل.. عكس ماكنتش داخلها.. و كان لسه معايا كيس السكر..
و اول ما طلعت منها جالي تليفون اقل شيء هوصفه انه تليفون معجزة..
كان التليفون من إسكان الحكومة اللي كنت مقدمة فيه.. كان الاختيار الثاني لي، تعاونيات ميميكو..
طبعا وقت ما كنت بختار كنت بختار كل حاجة، بس مكنتش واخدة بالي اوي من الأماكن..
و بدأت الكلام معايا واحدة ست قالت لي:
“انتِ كنتِ مقدمة عندنا و احنا بنراجع ملفك، بس محتاجين ورق كتير جدا علشان نأكد على دخولك وحدة هتكون جاهزة من يوم 1 مايو”
قلت لها:” انا لازم انقل يوم 10 ابريل يا إما هكون في الشارع”
قالت لي:” طيب حاولي تبعتي كل الاوراق النهاردة مع ان دي في العادة تحتاج من 3-4 ايام.. و احنا هنعمل اجتماع مجلس إدارة، و لو 5 وافقوا على قرار نقلك يوم 10 ابريل بدل 1 مايو هتيجي.. بس لازم تبعتي الورق ده النهاردة”
و افتكرت كلام بابا لما قال لي اني خلاص قربت على نهاية الامتحانات.. و عرفت ان ده اخر امتحان..
و جريت على المكتب اللي كنت بدأت اشتغل منه في مركز البيزنس القديم اللي اتخرجت منه اول حاجة.. رحت هناك، و قفلت على نفسي، و قعدت اجمع و اطبع و ابعت ايميلات لكل الجهات المطلوب مني اني اجمع ورقها علشان اقدم باقي الملف قبل ما ادخل التعاونيات..
كانت اوراق كتير جدا و من ضمنها استمارة التعاونيات نفسها اللي يمكن لوحدها كانت 35 صفحة..
كمان طلبوا مني اني اجيب جواب من صاحب البيت القديم اللي كنت ساكنة فيه قبل بيت الاشباح، و رد علي على طول و كتب في كلام كويس جدا..
افتكر اني دخلت المكتب ده الساعة 10 ص و خلصت و انا باعته كل حاجة الساعة 3:45 عصرا
و كلمت الست من التعاونيات علشان اطمن ان وصل لها كل حاجة:
قالت لي:” اه كله تمام”
و خدت نفسي و حسيت اني خلاص قدمت ورقة الامتحان، و كده فاضل النتيجة..
وقبل ما تقفل قالت لي:” يوم 10 أبريل الساعة 10 ص هكلمك علشان اقولك لو هتقدري تنقلي عندنا، ولا هتستنى ليوم 1 مايو”
قلت لها:” ماشي مفيش مشكلة”
وافتكرت و قالت لي:” بس صحيح انتِ لازم تيجي تشوفي الوحدة قبل ما تنقلي.. تعرفي تيجي بكرة؟”
قلت لها:” اكيد هاجي”
و هنا كان لازم اتصل مباشرة بالسوشيال وركر اللي ماسكة فلوس الإعانة و اللي كنت عرفت ان من حقي اخد فلوس عربية النقل، و قلت لها كل اللي حصل .. أما ردها فكان سيء جدا زي طريقتها معايا دايما و قالت لي:
“انتِ طالبة 700 دولار للنقل انا بس هديكي 300”
و في الحقيقة انا كنت بالفعل كلمت شركة نقل و جيبت سعر النقل وكانت 700 دولار و بعت لها عرض السعر، لكن للأسف الموظفة كانت بتتعامل انها بتديني الفلوس دي من جيبها بالرغم انه من حقي اني اخد الفلوس دي كمساعدة من الدولة وقت النقل..
و من كتر غيظي رحت لها المكتب قبل ما يقفلوا… رحت ودخلت عندها وقلت لها:
“مش من حقك تعملي معايا كده، و على العموم انا مش هسكت و هوريكي انا هعمل ايه النهاردة”
و سيبتها و عرفت طبعا ان لها مديرة في نفس المكان..
و قتها معرفتش اقابل المديرة بس سيبت لها جواب كتبته بخط ايدي بحكي فيه عن سلوك الموظفة،و حطيت خط تحت عبارة:” الموظفة بتتعامل كأنها بتديني الفلوس من جيبها و اسلوبها غير ادمي”
و سيبت الجواب و انا عارفة و متأكدة انهم هيردوا يوم الاثنين الصبح.. لكن المفاجأة ان المديرة اتصلت بي بعد ما مشيت بحاجة بسيطة و قالت لي:
“انا نيابة عنها بعتذر عن كل اللي حصل، و انا عدلت بنفسي قرار فلوس النقل، و وافقت لك على 1000 دولار مش بس 700 اللي كنتِ طالباهم”
و كسبت الجولة دي، و الأحلى انه كمان تم تحويل ملفي لمكتب جديد لأني نقلت السكن و مبقتش تبع الحي القديم.. و هروح منطقة جديدة وفقا لتعاونيات ميميكو وهي منطقة (إيتوبيكو)..
كان يوم مجهد جدا و كله جري و شغل .. كان يوم حقيقي بشهر..
وطلعت جري على الحضانة علشان اجيب ابني.. و بشرت الست صاحبة الحضانة بالبشرى الحلوة الخاصة بالإسكان، بس طبعا كانت فرحة إلا حتة لأني لسه مستنية قرار مجلس الإدارة..
و هنا كلمت تاني الست من طوارىء الإسكان و قالت لي:
“خلاص في الحالة دي لو التعاونيات وافقت هتروحي، و انا بنفسي هاتولى اني اجيب الفلوس من صاحبة الاستوديو، و لو ما وافقوش هاجى اخدك ونروح على ملجأ و نشوف مخزن نحط فيه العفش، و ندور على حد ياخد القطة لحد ما ييجي يوم 1 مايو”
و رسيت معاها على كده، و حجزت شركة النقل، بس مكانش عندي لها عنوان تروحه.. و قلت لهم:” العنوان هتعرفوه يوم 10 ابريل- يوم الأربعاء”
و بكده انا انجزت كل حاجة.. و بقيت عارفه انا هعمل ايه، بس لسه مش عارفة انا رايحة فين يوم 10 أبريل..
و رجعت البيت، و معايا البيبي، و كيس السكر اللي اديته لماما و لف معايا كل الكرة الأرضية..
و قلت لها على الأخبار دي و انا عملت ايه و وصلت لفين، لكن ما حكتلهاش عن جزء المقبرة ابدا..
كانت ماما من فترة كانت بدأت تشيل كل محتويات البيت في كراتين، و فعلا كانت عارفة تجمع البيت إزاي، و دي كانت بالنسبة لي مهمة صعبة جدا خصوصا اني كنت لسه مارة بها من 6 شهور بس..
و كملت ماما تجميع البيت في كراتين علشان خلاص بعد بكره هنسيب بيت الأشباح و هنودعه للأبد..
و بسرعة عملت اعلان عن بيع الغسالة وبيعتها في نفس اليوم و خدت فلوسها كاش .. قدرت ابيعها بنفس الثمن اللي اشتريتها به، و طبعا كانت حاجة كويسة جدا..
و نمت نوم عميق بعد يوم صعب جدا.. و صحيت يوم 9 ابريل على ميعادي مع تعاونيات ميميكو علشان اروح اشوف الوحدة..
يا ترى عجبتني و لا لأ؟
المزيد
1