و تزامن الأسبوع الثالث من مارس بحدث مهم و هو عيد الأم المصري، و اللي كان لازم احتفل به تعبيرا مني على حبي لماما مهما كانت ظروفي مكعبلة اليومين دول..
و لأني عارفة مدى ارتباط ماما بمنطقة سكني القديمة فعرضت عليها نروح هناك ونقعد في كافية من كافيهات (سان كلير غرب).. و بالتحديد شارع (كورسو إيطاليا)..
و اتبسطت ماما جدا و غيرنا جو، و البيبي حتى كان فرحان لانه كان محبوس في البيت زي الكتكوت اللي مش عايزين نطلعه من العشة..
و كمل البيبي و ماما فترة اسبوع كمان في العشة قصدي بيت الاشباح.. اما انا فبدأت برنامج البيزنس الجديد اللي كان تبع بلدية تورنتو..
و تزامن الأسبوع الثالث من مارس بحدث مهم و هو عيد الأم المصري، و اللي كان لازم احتفل به تعبيرا مني على حبي لماما مهما كانت ظروفي مكعبلة اليومين دول..
و لأني عارفة مدى ارتباط ماما بمنطقة سكني القديمة فعرضت عليها نروح هناك ونقعد في كافية من كافيهات (سان كلير غرب).. و بالتحديد شارع (كورسو إيطاليا)..
و اتبسطت ماما جدا و غيرنا جو، و البيبي حتى كان فرحان لانه كان محبوس في البيت زي الكتكوت اللي مش عايزين نطلعه من العشة..
و كمل البيبي و ماما فترة اسبوع كمان في العشة قصدي بيت الاشباح.. اما انا فبدأت برنامج البيزنس الجديد اللي كان تبع بلدية تورنتو..
كان المكان اسمه (تي بي دي سي – TBDC) وكانت المفاجأة انه موجود في نفس المبنى الضخم (تورنتو ستار) اللي قضيت فيه حوالي أول سنه و نص لي في كندا لما كنت بدرس فرنساوي في (كولدج بوريال)..
كانت بداية البرنامج من الأسبوع الثالث في مارس لحد نهاية أبريل.. يعني 5 أسابيع..
اما اللي كانوا بيدرسوا لنا فكانوا اثنين: الاول مدير البرنامج و في نفس الوقت مدرس عنده خبرة كبيرة جدا و بقاله حوالي 30 سنه شغال في المركز ده
أما الشخص الثاني فكانت ست جميلة جدا فيها شبه كبير من شادية. كان عمرها مقارب على الستين، لكن جمالها كان طاغي على عمرها، أما شخصيتها فكانت مميزة جدا.. كانت شيك و لطيفة و في نفس الوقت صوتها حازم و قوي.. شفت فيها قدوة لي خصوصا انها ذكية و روحة مرحة..
طبعا المدرسين كانوا كبار في السن و عندهم خبرة كبيرة .. كمان هم بنفسهم كانوا في فترة من الفترات بيديروا البيزنس الخاص بهم، و علشان كده البرنامج ده من افضل البرامج اللي حضرتها بسبب المدرسين علاوة على انهم كندين.. جدودهم مولودين في كندا، و بالتالي معرفتهم وآرائهم عن البلد أعمق، و مختلفة عن حد لسه جاي جديد…
كانت أهم ميزة في البرنامج ان بعد ما نتخرج بيتم تعيين مشرف متطوع (Mentor) للمشروع، و بالفعل كانوا في الأول عندهم اثنين و كل مجموعة بتروج ل (Mentor) منهم في الآخر..
أما المجموعة اللي كانت معايا فكانت مختلفة تماما عن البرنامج الاول و الثاني..
كانوا كلهم على ال OW (الإعانة الاجتماعية) و تقريبا ولا حد منهم مهاجر جديد غيرى انا و شخص تاني.. اما الباقيين كلهم فكانوا مولودين في كندا، ومنهم كمان اللي اهاليهم مولودة في كندا.. يعني كنديين مش مهاجرين جدد..
و بدأت اسمع أفكارهم اللي برضه كانت مختلفة تماما عن البرامج السابقة و كانت:
1- نقاش و بيفكر يتوسع في اعمال النقاشة (كندي أبيض)
2- واحدة بتدي دروس في التأمل و اليوجا (كندية بيضاء)
3- راقصة فلكلورية كاريبية(كندية من أصل كاريبي)
4- مطرب متخصص في اغاني ال (راب)(كندي من أصول أفريقية)
5- لايف كوتش(كندية بيضاء)
6- مستشار هجرة(مهاجر جديد من الهند)
7- طباخة حفلات (كندية من أصول كاريبية)
8- خياطة(كندية من أصول أفريقية)
9- تدريب اشخاص و خدمات توظيف (كندية من أصول أوروبية شرقية)
10- خدمات توظيف(كندي من أصل روسي)
11- الزغلول الكبير .. تاجر حشيش جانجا(كندي من أصول جامايكية من عند النجم بوب مارلي)..
و أخيرا أنا ..
12- استشارات بيزنس في مجال المنسوجات والصناعات اليدوية- مهاجرة جديدة من ام الدنيا .. مصر
طبعا فئات مختلفة، وأعمار متفاوتة، و الأهم افكار متنوعة جدا جدا..
كنت مبسوطة جدا بأني من خلال كل برنامج و كل مجموعة بكتشف جانب جديد من المدينة، و بكتشف ناس أكتر..
و بدأنا البرنامج و اللي كان محوره اننا نشتغل على خطة المشروع (بيزنس لان) من أول يوم..كان عندهم نموذج هايل هو الافضل و الانسب ضمن كل النماذج اللي عدت علي قبل كده..
و بدأت اشتغل فعلا على النموذج، و ارتب افكاري، و الأهم اني فعلا رسيت على النشاط و اللي فعلا همشي عليه مع بعض التعديلات… أما الاسم فماكنتش لسه رسيت عليه..
و انتهى الأسبوع الأول من البرنامج و خف البيبي من الحصبة و بقى جاهز انه يرجع الحضانة.. و في نفس الوقت قربت جدا على تاريخ 1 أبريل اللي المفروض هيكون في نقله كبيرة جدا لي.. كانت النقلة اني المفروض امشي من بيت الأشباح و اروح الاستوديو اللي في البدروم اللي مضيت عقده من اول 1 أبريل..
لكن قبل ميعاد النقل بيومين بالظبط يعني يوم 28 مارس كلمتني الست صاحبة الاستوديو، و بلغتني ان الاستوديو مش جاهز و انه هيجهز كمان 15 يوم على الأقل.. يعني يوم 15 أبريل بدل يوم 1 أبريل..
و هنا دماغي اتلخبطت تماما و مبقتش عارفة افكر… يا ترى عملت ايه؟
المزيد
1