و قررت اروح انا و البيبي نستكشف معلم من معالم تورنتو، و اللي كانت المكتبة العامة بتمنح أعضاءها تذكرة مجانية لها كافية انها تدخل 2 كبار و2 اطفال بدل ما الواحد يدفع تذكرة في حدود 18 دولار بعد الضريبة.
و ركبنا مواصلات كتير كالعادة علشان نوصل، و وصلنا في الأخر لمكان عامل زي مايكون اله الزمن يستقبلك من على بابه و ياخدك لحوالي 160 سنه فاتت..
دخلت لقيت مباني كتير عددهم تقريبا 40 مبنى و متنوعين: من فندق، وكنيسة، ومحلات بتبين الحرف اللي كان يمتهنها الأوروبيين اللي جم استقروا في كندا في الأول في محاولة منهم انها تكون بلدهم الجديدة..
كانت الحرف متنوعة من نجار-حداد-خياط.. كمان لقيت نماذج لبيوت بتين طريقة الفرش و جواها ناس لابسين ملابس تحاكي المرحلة دي زي ما بنشوفهم في الافلام بالظبط، و كمان بيشرحوا للناس عن المكان، وعن الأدوات، وعن كل شيء هم شايفينه..
و قررت اروح انا و البيبي نستكشف معلم من معالم تورنتو، و اللي كانت المكتبة العامة بتمنح أعضاءها تذكرة مجانية لها كافية انها تدخل 2 كبار و2 اطفال بدل ما الواحد يدفع تذكرة في حدود 18 دولار بعد الضريبة.
و ركبنا مواصلات كتير كالعادة علشان نوصل، و وصلنا في الأخر لمكان عامل زي مايكون اله الزمن يستقبلك من على بابه و ياخدك لحوالي 160 سنه فاتت..
دخلت لقيت مباني كتير عددهم تقريبا 40 مبنى و متنوعين: من فندق، وكنيسة، ومحلات بتبين الحرف اللي كان يمتهنها الأوروبيين اللي جم استقروا في كندا في الأول في محاولة منهم انها تكون بلدهم الجديدة..
كانت الحرف متنوعة من نجار-حداد-خياط.. كمان لقيت نماذج لبيوت بتين طريقة الفرش و جواها ناس لابسين ملابس تحاكي المرحلة دي زي ما بنشوفهم في الافلام بالظبط، و كمان بيشرحوا للناس عن المكان، وعن الأدوات، وعن كل شيء هم شايفينه..
كمان كان فيه مكتب البريد القديم، ومطبعة، و طريقة طباعة الصحف و هي أهم وسيلة اعلامية في الوقت ده..
و بعد ما خلصنا الجولة الكبيرة دي و اللي استمرت اكتر من ساعتين و كنت شايله البيبي بالحمالة علشان اقدر استكشف وأنا حاسة إني خفيفة نسبيا بدل عربية الأطفال، وكمان كان مدفيني لأن الجو كان بدأ يبرد و دي عادة شهر نوفمبر، وافتكر اليوم ده نزل تلج خفيف و نزلت درجة الحرارة ل 1 تحت الصفر..
بعدين دخلنا مطعم و كان جنبه مخبز و كله استايل قديم.. و جبنا عيش، و مخبوزات بعد كده شربت شوربة، و اكل البيبي اكله اللي بدأ ياكل خضروات مهروسة كنت دايما بحضرها له في البيت جنب رضعاته من اللبن الصناعي..
و خلص اليوم و كانت علقة و احنا راجعين لأن الاتوبيسات كانت متأخرة جدا، و يمكن قضينا في المواصلات اكتر من ساعتين و نص في طريق ما ياخدش اكتر من 45 دقيقة لو بالعربية..
بعد كده بكم يوم بدأ الجو يبرد جدا، و هنا فهمت اننا خلاص داخلين على الثلج و ايامه الطويلة، و هتكون اول تجربة لي و انا و البيبي و الشتاء لوحدنا..
و بدأت تواجهني مشكلتين : المشكلة الأولى أن البيت اللي انا فيه كان فيه سلالم خارجية و كان عذاب علشان اقدر انزل بعربية الاطفال خصوصا لما الثلج نزل..
و المشكلة الثانية وهي مشكلة الغسيل.. كنت مترددة جدا اني اشتري غسالة لأني كنت واثقة اني قربت اسيب بيت الاشباح ده، و منتظرة بس بيت الحكومة ييجي في اي وقت، ومكنتش عايزة اشتري حاجة هخسر فيها لو جيت ابيعها تاني و هي الغسالة..
و قررت اني اكمل و اغسل في المغسلة اللي في الشارع.. و حقيقي كان عذاب..
كنت بضطر اروح بالبيبي لأن وقت البيبي و هو في الحضانة كنت ببقى في التدريب بتاعي..كانت مهمة صعبة جدا و انا واخدة بيبي و معايا سبت الغسيل و ماشية بهم في الشارع و الارض كلها تلج، وارجع ابدل الهدوم من الغسالة للنشافة .. الخ..
كنت كل مرة بتحامل فيها على نفسي جدا و انا بغسل في الشارع، و قررت اني اخلص بس شهر نوفمبر و من أول ديسمبر اشتري غسالة و اغسل في البيت لأن الموضوع بقى حقيقي فوق طاقتي..
اما التدريب فكنت مكملاه كويس جدا و كنت اكتر واحدة متحمسة له زي من اول يوم ما بدأته.. اما البنتين التانيين و الشاب حماسهم كان بيقل شوية بشوية لأن المدرس مكانش بيديهم افكار، و بصراحة كانت طريقته نظريه إلى أبعد الحدود..
كنت اكتر حد متكلم في الفصل وكنت منبع الأفكار لدرجة أنهم بما فيهم المدرس قالوا لي:
“تعرفي انتِ تنفعي تدرسي جدا بدل ما انتِ اللي بتدرسي معانا”
ضحكت و قلت لهم:” طبعا و هيحصل إن شاء الله.. بس لازم يكون عندي خبرة عملية الاول .. على الأقل كم سنه اكون قمت بإدارة البيزنس بتاعي في كندا و مستمرة فيه علشان اكون فعلا بدرس الجزء العملي أكتر لأن البيزنس عملي اكتر ما هو نظري”
كان المدرس بيسمعني باهتمام و مزعلش ابدا من كلامي بل بالعكس قال لي:
“كلامك كله صح و على فكرة انا مكنتش حاسس نفسي في المنصب ده..انا اصلا قدمت استقالتي من اسبوع، و من أول ديسمبر هيجيلكم مدرسة جديدة”
كنا كلنا متحمسين للمدرسة الجديدة و كنت بامل انها تكون عندها الجانب العملي، لكن المدرسة الجديدة فاقت توقعاتنا كلنا..
و بدأت استغل الوقت بعد ما بحضر رضعة ابني الاخيرة و اطلعه ينام الساعه 9 بالليل، و اطلع جري على اوضة المكتب اللي في اعلى مكان في البيت و احط شوية مزيكا هادية تغطي على صوت خربشة الفيران، و ابدأ ادخل في عالم موازي لعالم الأحلام بتاعي و هو عالم البيزنس..
و بدأت من الوقت ده اخصص دايما 3 ساعات يوميا من 9م-12ص اني اراجع اي حاجة اتعلمتها في البرنامج، وابدأ اعمل بحث عن أفكار و اقرأ مقالات عن السوق الكندي و كمان توجهاته..
و جيبت كراسة حلوة مكتوب عليها كلام حلو بيقول” اشتغل بقوة.. و احلم بالكثير”
كنت بحاول ارسم لنفسي طريق جديد، و كان فاضلى شهر ديسمبر و لو انا هقرر اني استقيل خلاص و ما ارجعش شغل التأمين اللي كان مستنيني كان لازم اقدم استقالتي يوم 14 ديسمبر يعني كمان اسبوعين بالظبط..
و خلص شهر نوفمبر و هيبدأ شهر ديسمبر اللي هتكون أحداثه بمقام سنه كامله.. يا ترى الشهر ده هيحصل فيه ايه؟
9
1