لما كلمني روميو تخيلت أن البوليس ممكن يكون جاي لحد تاني، لكن فعلا كان جايلنا إحنا!
بصيت لقيت روميو وشه أصفر وهيموت من الخوف و الشاب النيجيري واقف فارد نفسه أوي، فطبعا فtمت من أول ما دخلت الشارع و شوفتهم واقفين أن النيجيري هو اللي جابلنا البوليس. وبفراستي فهمت انه جايبه علشان ما يخليهوش يمشي و يفضل فاعد معانا غصب عننا.. بس طبعا عشم أبليس في الجنة!
لما كلمني روميو تخيلت أن البوليس ممكن يكون جاي لحد تاني، لكن فعلا كان جايلنا إحنا!
بصيت لقيت روميو وشه أصفر وهيموت من الخوف و الشاب النيجيري واقف فارد نفسه أوي، فطبعا فtمت من أول ما دخلت الشارع و شوفتهم واقفين أن النيجيري هو اللي جابلنا البوليس. وبفراستي فهمت انه جايبه علشان ما يخليهوش يمشي و يفضل فاعد معانا غصب عننا.. بس طبعا عشم أبليس في الجنة!
وصلت، وحسيت زي ما يكون روميو أختفى وصدرني كده للبوليس، وأنا مكنش عندي أدنى مشكلة، بالعكس ده أنا كنت داخلة و مستحلفة للنيجيري و بدأت بسؤال البوليس:” جوزي كلمني و قالي إنكم هنا علشانا. فيه حاجة؟”
كانوا اثنين و رد واحد منهم و قالي:” آه، الشاب ده بيقول إنكم عايزين ترموه في الشارع مع انه بيدفع في الميعاد وبيدفع كاش و مش بترضوا تديلوا وصولات علشان تتهربوا من الضرايب”
ضحكت و افتكرت موقفي مع الست الإيطالية لما أنا جبتلها البوليس و فهمت الفرق بين لما يكون بلاغ حقيقي و بلاغ كيدي”
فردت ظهري أوي و بصيت للنيجيري و بدأت ارد على البوليس و قولتلهم:
“أنا عارفة قانون الإيجارات كويس في أونتاريو.. مبدئيا مش أنا صاحبة البيت. أنا و جوزي مأجرينه من المالك الأصلي، و بعدين بنأجر أوضة جوه البيت. ثانيا إحنا عايشين معاه في نفس البيت و بنشترك في المطبخ و الحمام و كل دور من أدوار البيت ده متأجر لعيلة و كلهم مأجرين من المالك اللي هو مش أحنا طبعا. و أخيرا و ليس أخرا إحنا مش كاتبين معاه عقد، والفلوس بقى هو مكسور عليه أسبوعين وأنا بقول الحقيقية و مبكدبش”
وقتها البوليس هز راسه كده و بص للنيجيري و قاله:
“انت ما قولتلش انهم مش أصحاب البيت الأصليين ، ده أسمه تأجير من باطن و مالكش حق تقعد لو عايزين يمشوك وأتفضل أمشي فعلا لأن كلام الست دي كله صح”
كان الألم قوي على النيجيري و نزل يطرقع على وشه، وكنت واقفة وأنا عارفة انه دبور و زن على خراب عشه.
وقتها طلبت من البوليس انه يفضل واقف لحد ما اطلع و الم كراكيب النيجيري و ارميهاله. و طبعا البوليس كان شاهد علي في كل الموقف..
و فعلا عملت كده، وكان هم و انزاح.. و كان فاكر انه هيلوي دراعنا، لكن هو اللي أتطرد أشر طرده.
و أتفض المولد، و كل واحد راح في حال سبيله، و جه الدور على روميو كان نفسي أفهم موقفه و إيه الخوف من البوليس ده!
و سألته:”إيه ده؟! يعني أنا لو مكنتش جيت مثلا كنت عملت إيه؟ كنت رميت نفسك من الشباك! انت خايف ليه من البوليس ؟ إحنا أصحاب حق على فكرة”
بصلي و قالي:” أنا مش خايف منهم، لكن بحاول أبعد عن البوليس يا روزة انت ناسية إني قاعد مخالف و خلاص بقى عندي فكرة في دماغي إن لو أي شرطي وقفني، وكلمني، وسألني عن إثبات إقامة هيرحلني”
استغربته جدا وقولتله:” بس الكلام ده ما بيحصلش في كندا هو إحنا في دبي!”
قالي:” آه بيحصل . انت مش شايفة الجانب ده من كندا بس أنا شايفة بحكم إني بشتغل مع ناس كتير بيكونوا جايين من بلاد كتير و بيكونوا قاعدين بطريقة غير شرعية و لو حد بلغ عنهم الحكومة من حقها إنها تطلعلهم أمر ترحيل”
وقتها عذرته و افتكرت أيام ما قعدت ما يقارب على السنه مخالفة في دبي و قد إيه كان ضغط عصبي كبيرعلي !
و حاولت أغير الجو المكهرب ده اللي كان السبب فيه النيجيري، و دخلت جبت طقم البيبي اللي كنت شارياه من ميلانو و طلعت به لروميو و قولتله:
“بص الطقم ده فيه حد هيلبسه قريب”
بصلي و قالي:” انت حامل”
رديت و قولتله”آه، أنا حامل”
كان فرحان و طاير من السعادة، و كان هو اللي بيعيط من الفرحة و قالي:
“ياه ده أول حلم من أحلامنا يا روزة بيتحقق”
كنت حساه فعلا مبسوط و فرحان و بدأ يقولي على قصة طويلة ملخصها كان:
“أنا نفسي أكون أحسن أب في الدنيا مش عايز أكون زي أبويا اللي سابني و أتخلى عني و خلى أمي هي اللي تربيني لحد ما كرهته و حرقت كل صوره، وفضلت بعيد عنه كل حياتي و ما قابلوتش غير مره واحدة قبل ما يموت بشهور”
و كمل و هو متأثر جدا و قالي:” عارفة يوم ما رحت شوفته قبل ما يموت، كان بقالي أكتر من 20 سنه ما شوفتوش فيهم. كنت حاسس إن بيني و بينه أسوار عالية، و كل ما أجي أقوله (بابا) ألاقي لساني مش قادر يقولها لحد ما فهمت إني دفنته قبل ما يموت، من أول ما قرر انه يسيب روما و يروح يعيش في (سردينيا) مسقط رأسه مع أبوه و امه اللي بدورهم عمرهم ما سألوا علي.. تخيلي يا روزة كان لي أب وجد و جدة و عمرهم ما سألوا علي ، كل ده علشان أمي طلبت الطلاق.. طيب أنا ذنبي إيه!
أنا بكتب الكلام ده وأنا فاكراه كلمة كلمة، لكن للأسف بكتبه بعد أكتر من 3 سنين و كأنه بيوصف حالتي بالظبط أنا و أبنه بعد ما طلبت منه الطلاق!
و اتصل بأهله فورا علشان يفرحهم و أنا كلمت ماما كمان..
و تقريبا طلب منهم فلوس لأن تاني يوم لقيتيه جاي و معاه فلوس تكفي جزء من الإيجار و قالي كمان:
“أنا عازمك على العشاء بره احتفالا بالمناسبة السعيدة دي”
قولتله:” جيبت فلوس منين؟”
ما ردش لكن بفراستي فهمت إن لما يجيله 300 دولار في يوم يبقى أكيد من أهله.
و فعلا استعدينا إننا نخرج مع بعض و نروح مطعم شيك جدا اسمه (راشتون)، وطلع قميش من القميصين يتوع ميلانو و أنا قررت البس فستاني الستان اللي كنت بحبه جدا من أيام دبي و كنا ماشيين فشر ليلى مراد و أنور وجدي. لحد ما قابلتنا جارتنا في نفس الشارع و كانت في البيت الخامس على اليمين و لقيتها بتوقفنا و تقولنا:
“إيه الشياكة دي! وإيه الفستان الجميل ده!”
شكرتها وأتكلمت معاها شوية.كانت لطيفة جدا و طيبة، وحسيت إنها هتكون جارتي المقربة. و قد كان!
ورحنا المطعم الشيك، و كلنا و اتبسطنا، و دفعنا ما يقارب على ال 100 دولار في القعدة دي. و قعدنا نحلم بالبيبي .. لحد ما سألني و قالي:
“تحبي نختار أسم البيبي؟”
قولتله :” ماشي.. بس أنا أكيد لسه ما اعرفش هو ولد و لا بنت”
قالي:” أنا حاسس انه هيكون ولد و أسمه محفور في قلبي”
و قبل ما افتح بؤي بأي حاجة لقيته بيقولي:أنا هقولك يا روزة أسم البيبي اللي أنا بحلم به و عارف انك مش ترفضيلي الطلب ده”
و قالي روميو على الأسم.. يا ترى إيه هو الأسم و أختاره ليه؟
المزيد
1