كنت بالفعل استفادت من اول برنامج حضرته و من اهم ميزة فيه، و هي انهم عندهم مكان اسمه Entrepreneurship Hub.. كان المكان ده عبارة عن معمل كبير فيه كمبيوترات، و طباعة، و مستلزمات كتير، و بالتالي اي حد اتخرج من البرنامج له الحق انه يستخدمه و انه يشتغل منه، و بما اني كنت المتخرجة الوحيدة فكنت الوحيدة اللي بستخدمه و كأن كل المكان دي مكتبي.. بس كان فيه عيب واحد وهو إني مقدرش احط عنوان المكان ده على موقعي الإلكتروني أو على البزنس كارد الخاص بي، و بالتالي كان لازم ادور على حل تاني..
طبعا قانونيا و من المميزات الكبيرة في كندا أن الرخصة لا تستلزم مكان أو عنوان تجاري بعكس دبي، لكن ده علشان الصورة و المنظر مش اكتر و ليس قانونيا.. فكرت اني ممكن اجر صندوق بريد تبع (كندا بوست- بريد كندا) مثلا، و فكرت في حل تاني.. و هو اللي رسيت عليه..
كنت بالفعل استفادت من اول برنامج حضرته و من اهم ميزة فيه، و هي انهم عندهم مكان اسمه Entrepreneurship Hub.. كان المكان ده عبارة عن معمل كبير فيه كمبيوترات، و طباعة، و مستلزمات كتير، و بالتالي اي حد اتخرج من البرنامج له الحق انه يستخدمه و انه يشتغل منه، و بما اني كنت المتخرجة الوحيدة فكنت الوحيدة اللي بستخدمه و كأن كل المكان دي مكتبي.. بس كان فيه عيب واحد وهو إني مقدرش احط عنوان المكان ده على موقعي الإلكتروني أو على البزنس كارد الخاص بي، و بالتالي كان لازم ادور على حل تاني..
طبعا قانونيا و من المميزات الكبيرة في كندا أن الرخصة لا تستلزم مكان أو عنوان تجاري بعكس دبي، لكن ده علشان الصورة و المنظر مش اكتر و ليس قانونيا.. فكرت اني ممكن اجر صندوق بريد تبع (كندا بوست- بريد كندا) مثلا، و فكرت في حل تاني.. و هو اللي رسيت عليه..
عملت بحث عن مكان يكون فيه مكان اقدر احجزه لو عندي اجتماع مع شركة مثلا و يكون عنده صندوق بريد و يكون في مكان حيوي جدا.. وفعلا وقع اختياري بعد البحث المكثف عن (مجلس تورنتو للتجارة- Toronto Region Board Board of Trade).. كان أهم ميزتين في المكان انه في داون تاون و العنوان ملفت جدا خصوصا ان له مدخل من ناحية (باي ستريت- Bay Street) الشارع اللي ماسك مجمع الأعمال و معظم ناطحات السحاب اللي بيتميز بها (دوان تاون) تورنتو.. والحاجة التانية اني ممكن اجر صندوق البريد والأسعار كانت منخفضة جدا لان عندهم باقة مخصصة للمشروعات الصغيرة و كانت التكلفة:
1- اشتراك في المجلس نفسه : 25 دولار في الشهر
2- ايجار صندوق البريد: 40 دولار في الشهر
و رسيت على الحل ده لمدة سنة تقريبا و كنت بالفعل بستلم كل الجوابات و العينات عليه.. و كمان كنت بقابل العملاء هناك احيانا..
و بدأت امسك اول مشروع لي تبع مكتبي و هو: الشنط و ملابس الاطفال من مدغشقر
و بدأت اسوق للمنتج و اخد كذا طريق:
الطريق الأول: اني ابعت لكل اصحاب المحلات عن طريق (LinkedIn) معلومات عن المنتج
الطريق الثاني: ابعت لمجموعة أخرى عن طريق الفيس بوك
الطريق الثالث: اتصل بهم بالتليفون
و كان اصعب طريق هو اني اكلمهم بالتليفون، و اسهلهم اني اتواصل معاهم عن طريق LinkedIn
و وصلت لكم محل و بعتلهم الأسعار.. بس الغريبة ان ولا حد طلب مني حتى يشوف العينات على عكس دبي اللي كانوا الاول يشوفوا العينات بعدين ما يشتروش.. لكن هنا فكرة انهم يشوفوا العينة او يوافقوا على ميعاد علشان اقابلهم كانت صعبة جدا..
كانوا بيفضلوا الرد بالايميل و بدأت تجيني ايميلات غير مشجعة من أول مجموعة و كانت كلها بتأكد ان الاسعار غالية جدا مقارنة باللي شغالين فيه..
بس لان العقد مع الشركة قدامه 3 شهور و هم عارفين ان شغلي اني اشوف الحاجة دي هتمشي هنا و لا لأ علشان اديهم تقرير مفصل عن الاسعار و عن التعليقات..
و بالفعل كنت بجمع كل الردود دي في تقرير و ابعته فورا للشركة في مدغشقر..
و فضلت مكملة شغلي بس طبعا ما نسيتش ان ورايا حاجة تانية في نفس الأهمية: وهي مسؤولية بيتي..
كان بيتي الجديد جميل جدا إلا حتة، و الحتة دي كان عبارة عن سلالم داخلية كانت مصدر قلق و رعب لي علشان البيبي، و كان لازم الاقي حل و اجيب لها بوابة..
و جبت كذا بوابة من امازون ما نفعش اركب و لا واحدة منها.. و هنا عملت بحث على مكان ييجي و يعمل لي بوابة تفصيل..
و فعلا لقيت المكان ده لكن البوابة كلفتني كتير جدا.. كلفتني 350 دولار يعني مبلغ و قدره..
لكن اتركبت و بكده اطمنت على البيبي..
اما ماما فلأن عندها مشاكل كتيرة في ركبتها فالسلالم دي كانت مصر عذاب بالنسبة لها..
و اللي زاد و غطى أنها في مرة اتكعبلت، و وقعت عليها، و دي كانت كارثة حقيقية..
قلت لها:” اوديكي المستشفى؟”
قالت لي:” لا بس ممكن تبعتي تجيبي الدكتور المنزلي”
وجه الدكتور المنزلي و طبعا ماما معندهاش تأمين صحي و طلب 60 دولار في الزيارة.. و قال لي:
“هكتب لها على شوية مسكنات، لكن رجلها مفهاش اي التواء ولا حاجة.. جت سليمة”
بس طبعا ماما كانت متعقدة من السلم من وقتها، و يمكن ده من الاسباب اللي مش مشجعاها تيجي عندي تاني..
في الوقت ده كله كنت لسه مستنية العربية اللي عرفت انها هتتأخر شوية و هتوصل يوم 29 مايو. وكأنها ناوية تكون اول استفتاح لي ببداية السنة الرابعة لي في كندا..
و قبل ما انهي شهر مايو اللي كان ربيع و جوه بديع، رحت انا و البيبي (ايفنت) خاص بالموضة جميل جدا..
رحت و اتعرفت على أصحاب محلات ملابس اطفال كتير، و لبست البيبي طقم من الشركة بتاعة مدغشقر اللي بسوق لها علشان يشوفوا الشغل على الحقيقية، وخدت معايا عينات في الشنطة كمان..
و فعلا في شركة هيعجبها الشغل و هتطلب مني عرض اسعار لكمية صغيرة..
و بعت لهم فورا عرض الاسعار و قالوا لي:
“في حاجات هنحتاجها بالنسبة للطلبية.. هنرد عليكي كمان اسبوعين”
و بكده عرفت ان المحل ده ممكن يكون أول مشتري بالنسبة لملابس الأطفال، بس الرد لسه هيجى كمان اسبوعين..
و بصيت على النتيجة لقيت انه يوم 28 مايو 2019 يعني اليوم اللي من 3 سنين جيت فيه على تورنتو و هبطت على هذه الأرض الجديدة علشان احقق احلامي الكتير.. أحلام مهاجرة..
ياترى عرفت احقق منها أحلام قد ايه؟ و ايه هي الأحلام اللي لسه ما اتحققتش؟
9
1